Jambylda 105 pedagog konkýrssyz jumysqa qabyldandy
ASTANA. KAZINFORM – Jambyl oblysynda bilim berý júıesin sapaly kadrlarmen qamtamasyz etýge baǵyttalǵan bastama óz jemisin berip jatyr. Atap aıtqanda, GPA 3,33-ten joǵary nátıje kórsetken joǵary oqý oryndary túlekterin konkýrstyq rásimderden ótkizbeı, tikeleı bilim berý uıymdaryna jumysqa qabyldaý tájirıbesi júzege asyrylyp jatyr. Bul joba – bilim salasyna yntaly jastardy tartýǵa baǵyttalǵan qadamdardyń biri.
Oqý-aǵartý mınıstrligi málimetinshe, búginde osy bastama aıasynda Jambyl oblysynda 105 jas pedagog konkýrssyz jumysqa qabyldanyp, eńbek jolyn bastap ketti.
Joba aıasynda jas mamandar mektep ujymyna jyldam beıimdelip, oqý-tárbıe protsesine belsendi aralasyp jatyr. Olardyń qatarynda óz isine jaýapkershilikpen qaraıtyn, jańashyldyqqa umtylatyn, oqýshylarǵa sapaly bilim men sanaly tárbıe berýdi maqsat etken ustazdar bar.
Atalǵan joba jas pedagogterdiń kásibı qalyptasýyna qolaıly jaǵdaı jasap qana qoımaı, olardyń eńbek naryǵyna tez ári tıimdi kirigýine múmkindik beredi. Sonymen qatar bul tájirıbe óńirdegi bilim berý uıymdaryndaǵy kadr tapshylyǵy máselesin sheshýge kómektesedi.
Aıta keteıik, Qazaqstannyń 200 myń pedagogi ChatGPT Edu jobasyna qosylady.
Pedagogterdi áleýmettik jaǵynan qoldaýdyń kandaı is-sharalary eskerilgen? Muǵalimderge kandaı jeńildikter qarastyrylǵan? Bul suraqtarǵa Oqý-aǵartý mınıstrligi jaýap berdi.