Jambyl jáne Aqtóbe oblystarynda beınebaqylaý júıelerin jańǵyrtý jumystary júrgizilip jatyr
ASTANA. KAZINFORM – Bıyl jol qozǵalysy erejelerin buzý derekterin avtomatty túrde tirkeý úshin 385 beınebaqylaý kamerasyn, sondaı-aq 44 statsıonarlyq kamerany ornatý josparlanyp otyr. Bul týraly Úkimettiń baspasóz qyzmeti habarlady.
Premer-mınıstr Oljas Bektenovtiń tóraǵalyǵymen ótken quqyq buzýshylyqtardyń aldyn alý jónindegi vedomstvoaralyq komıssııanyń otyrysynda Jambyl oblysynyń ákimi Erbol Qarashókeev óńirdegi 2024-2028 jyldarǵa arnalǵan qoǵammen áriptestikte qoǵamdyq qaýipsizdikti qamtamasyz etý tujyrymdamasynyń júzege asyrylý barysy týraly baıandady.
Onyń aıtýynsha, oblysta Tujyrymdamany júzege asyrý aıasynda aýdandyq polıtsııa bólimderine arnap ǵımarattar salý, quqyqtyq tártipti qamtamasyz etý úshin bólimshelerdi materıaldyq-tehnıkalyq jaraqtandyrý boıynsha jumystar júrgizilip jatyr.
Sondaı-aq óńirde beınebaqylaý júıesin jańǵyrtý jáne ornatylǵan kameralardy Jedel basqarý ortalyqtaryna (JBO) ıntegratsııalaý boıynsha jumys qarqyndy júrgizilip jatyr.
Oblys boıynsha barlyǵy 74,5 myńnan astam kamera ornatylǵan, onyń ishinde 17,4 myńnan astamy Jedel basqarý ortalyǵyna biriktirilgen.
Bıyl jol qozǵalysy erejelerin buzý derekterin avtomatty túrde tirkeý úshin 385 beınebaqylaý kamerasyn, sondaı-aq 44 statsıonarlyq kamerany ornatý josparlanyp otyr.
Aqtóbe oblysynyń ákimi Ashat Shaharov óńirde jol qozǵalysy erejeleri buzýshylyqtaryn avtomatty túrde anyqtaý úshin qosymsha 32 apparattyq-baǵdarlamalyq keshen satyp alynǵanyn málimdedi.
Qazirgi ýaqytta oblystaǵy apparattyq-baǵdarlamalyq keshender sany qazirgi tańda 263-ke deıin ósti. Statsıonarlyq keshender JQE buzýshylyqtaryn anyqtaýdy tolyq qamtıdy.
Aıta ketelik elimizde derbes derekterdi qorǵaý isi kúsheıtiledi.
