Jambyl turǵyny jabaıy qarasora jınap júrgen jerinen ustaldy
TARAZ. KAZINFORM – Jambyl oblysynyń Merki aýdanynda polıtseıler tún ortasynda jabaıy qarasora jınap júrgen 42 jastaǵy jergilikti turǵyndy ustady. Jedel izdestirý operatsııasy «Qarasora-2024» aldyn alý is-sharasy barysynda ótkizildi.
Sot-hımııalyq saraptamanyń qorytyndysyna sáıkes, kúdiktiden jalpy salmaǵy 61 kg 700 gr, onyń ishinde 39 kg 700 gr «keptirilgen marıhýana», 22 kg «keptirilmegen marıhýana» tárkilendi.
Ustalǵan adam óz kinásin moıyndap, ýaqytsha ustaý ızolıatoryna qamaqqa alyndy. Ol buryn osyndaı qylmystar jasaǵany úshin sotty bolǵan.
«Kúdikti túnde saǵat 23:50-de ustaldy. Odan oryp daıyndaǵan jabaıy qarasoramen qatar, oraq ta tárkilendi. Negizinen, esirtki satýshylar túnde jumys isteıdi. Ásirese, qarasoranyń qaýlap ósip turǵan kezeńinde demalys joq. Kúdiktige qatysty asa iri mólsherde esirtki zattaryn zańsyz saqtaǵany úshin sotqa deıingi tergeý amaldary bastaldy», – dedi oblystyq PD esirtki qylmysyna qarsy is-qımyl basqarmasynyń bastyǵy Álim Bajyqbaev.
Buǵan deıin Jambyl oblysynda esirtki ósirgen 61 jastaǵy turǵyn ustalǵanyn habarlaǵan bolatynbyz.
