Jambyl turǵyndary aqyly kýrstar sapasynyń tómendigine jappaı shaǵymdanyp jatyr
ASTANA. KAZINFORM — Aımaqta bilim berý qyzmetteriniń sapasyna narazy azamattardyń shaǵymdary kúrt ósti, shaǵymdardyń kóbi aqyly kýrstarǵa qatysty, dep habarlaıdy Kazinform tilshisi.
Bıylǵy jyldyń birinshi toqsanyndaǵy resmı derekterge sáıkes, bilim berý salasyndaǵy shaǵymdar sany 2,3 ese ósti. Saýda jáne tutynýshylardyń quqyqtaryn qorǵaý departamentine 2025 jyldyń basynda 22 shaǵym túsken bolsa, osy kezeńde bul san 51-ge jetti.
Sarapshylar barlyq problemalyq qyzmetterdiń tek qashyqtan kórsetilgenin atap ótti. Jańa daǵdylardy ınternet arqyly alýǵa tyrysqan aımaq turǵyndary oqytýdyń tómen deńgeıi kezinde agressıvti marketıngtiń qurbany da bolyp jatady.
— Tutynýshylardyń negizgi shaǵymdary oqytý sapasynyń qanaǵattanarlyqsyzdyǵyna jáne kýrs baǵdarlamasynda kórsetilgen ýádelerdiń oryndalmaýyna baılanysty. Sonymen qatar, onlaın oqytý uıymdastyrýshylardyń klıent qyzmettiń kútken nátıjege jetpeıtinin túsingen kezde kelisimsharttardy buzý jáne aqshany qaıtarýdan jappaı bas tartýy kúrdeli másele boldy, — dep túsindirdi Saýda jáne tutynýshylardyń quqyqtaryn qorǵaý departamenti.
Sarapshylar mundaı jaǵdaılardyń aldyn alý úshin kez kelgen onlaın kýrstarǵa aqy tólemes buryn kelisim sharttaryn, ásirese kelisimshartty buzý jáne aqshany qaıtarý týraly baptardy muqııat qarap shyǵýǵa keńes berdi.
Osyǵan deıin qazaqstandyqtar arnaıy kýrstar arqyly suranysqa ıe IT-mamandyqtardy ıgere alatynyn jazdyq.
