Jambyl polıtsııa departamenti basshysynyń orynbasary qyzmetten qýylyp, artynsha qamaýǵa alyndy
ASTANA. KAZINFORM — Іshki ister mınıstrligi Jambyl oblysynda polıtsııa departamenti basshysynyń orynbasary qyzmetten qýylyp, qamaýǵa alynǵanyn rastady.
Mınıstrliktiń málimeti boıynsha ol zańǵa qaıshy áreket jasady degen kúdikke ilingen.
— ІІM Іshki qaýipsizdik departamenti Jambyl oblystyq polıtsııa departamenti basshysynyń burynǵy orynbasaryn ustady. 2025 jyldyń 29 tamyzynda ol jaǵymsyz sebeptermen jumystan qýylǵan bolatyn, — dep jazylǵan resmı málimette.
Qazir ol kúdikti retinde ýaqytsha ustaý ızolıatorynda otyr. Sotqa deıingi tergeý bastalǵan.
Keshe ǵana Іshki ister mınıstri Erjan Sádenov elimizde qylmys sany 13%-ǵa tómendegenin málimdegen bolatyn.
