Jambyl polıtseıleri memleketaralyq izdeýde júrgen áıeldi ustady
TARAZ. KAZINFORM – Jambyl oblystyq Polıtsııa departamentiniń qyzmetkerleri jedel izdestirý is-sharalaryn júrgizý kezinde Qyrǵyz Respýblıkasynyń 43 jastaǵy azamatshasyn ustady.
Ol 2023 jyldyń qarasha aıynan bastap Ózbekstan Respýblıkasy Qylmystyq kodeksiniń 169-baby 2-bóligin boıynsha, ıaǵnı urlyq jasaǵany úshin memleketaralyq izdeýde bolǵan.
«Kúdikti Reseı, Qazaqstan, Ózbekstan jáne Qyrǵyzstan aýmaǵynda zergerlik dúkenderden altyn buıymdar urlaǵan. Bizdiń eldiń aýmaǵynda Jambyl oblysy Qordaı aýdanyndaǵy zergerlik dúkennen altyn buıymdardy qoldy qylǵan. Kúdikti ýaqytsha ustaý ızolıatoryna qamaqqa alyndy jáne Ózbekstan Respýblıkasy Samarqand oblysynyń ІІB qyzmetkerlerine beriletin bolady», – delingen oblystyq Polıtsııa departamenti baspasóz qyzmeti taratqan aqparatta.
Aıta keteıik, buǵan deıin Jambyl oblysynda esirtki ósirgen 61 jastaǵy turǵyn ustalǵanyn jazǵan bolatynbyz.
