Jambyl oblysynyń JQTB ortalyǵyna merzimi ótken preparattardy qoldanǵan degen kúdik keltirilip otyr

TARAZ. KAZINFORM – Jambyl oblysy ákimdiginiń densaýlyq saqtaý basqarmasyna qarasty Juqtyrylǵan qorǵanysh tapshylyǵy belgisiniń aldyn alý men kúres ortalyǵy (JQTB ortalyǵy) merzimi ótken medıtsınalyq buıymdardy qoldanýy múmkin. Bul týraly Medıtsınalyq-farmatsevtıkalyq baqylaý komıteti departamenti jetekshisiniń orynbasary Gúlmıra Bazarhanova málim etti.

«Atalǵan ortalyqta sonymen qatar dári-dármekter men medıtsınalyq buıymdardy saqtaý men olardy joıý tártibi de buzylǵan. Quny 7 140 000 teńge bolatyn buıymdardyń paıdalaný merzimi ótip ketken, sonymen birge paıdalaný merzimi 2023 jyldyń 21-shi naýryzynda bitken, 2022 jyldan 2023 jylǵa ótken qaldyqtar bar. Ortalyqta quny 68 400 000 teńge bolatyn osyndaı 380 buıym bolǵan. Sondaı-aq munda bıýdjet qarajaty da tıimsiz jumsalǵan. Sebebi JQTB ortalyǵy 69 jıyntyq qaldyǵy bola turǵanyna qaramastan jetkizýshi «Neba Lab» JShS-men 43 363 600 teńgege qosymsha kelisim jasaǵan. Ortasha eseppen alǵanda aıyna 5000 analızge 10 jıyntyq shyǵyndalady. Ortalyq paıdalaný merzimi 50% asqan medıtsınalyq buıymdardy satyp alǵan»,-dedi G.Bazarhanova.

Medıtsınalyq-farmatsevtıkalyq komıtetiniń oblystyq departamentiniń ókilderi atalǵan kemshilikterdiń ishki aýdıt pen jemqorlyqpen kúres qyzmetiniń suranysy boıynsha jospardan tys júrgizilgen tekserý barysynda anyqtalǵanyn jetkizdi.

Osyǵan deıin Jambyl oblysynda eki jasóspirim birinen soń biri sýıtsıd jasaǵany týraly habarladyq.