Jambyl oblysynyń sottary byltyrǵydan eki ese kóp adamdy aqtady
ASTANA. KAZINFORM — 2026 jyldyń alǵashqy toǵyz aıynda qylmystyq ister boıynsha 28 adamǵa aqtaý úkimi shyǵaryldy, al 2025 jyldyń osy kezeńinde 14 adam aqtalǵan, dep habarlaıdy Kazinform agenttiginiń tilshisi.
Bul derekterdi Jambyl oblystyq soty usyndy. Kelip túsken qylmystyq ister sany da artqan. Qańtardan qyrkúıekke deıin qylmystyq ister jónindegi sotta 1698 adamǵa qatysty 1629 is pen materıal qaraldy.
Azamattyq daýlar boıynsha da sotqa kóp is jiberilgen. Oblystyq sot bul ósimdi negizinen nesıelik mindettemelermen, turǵyndar arasyndaǵy qarjylyq qıyndyqtar jáne onlaın alaıaqtyqtyń saldarymen baılanystyrady.
9 aıda sotqa 1074 ákimshilik is kelip túsken, bul byltyrǵydan 21%-ǵa kóp. Sonymen qatar, qanaǵattandyrylǵan talaptar sany da 3,6%-ǵa artqan. Byltyr osy kezeńde bul kórsetkish 50,8% bolsa, bıylǵy toǵyz aıda 54,4%-ǵa jetti.
Ákimshilik daýlarda tatýlasý kórsetkishi de jaqsaryp, byltyrǵy 6,2%-dan 7,4%-ǵa deıin artty.
Eske sala keteıik, buǵan deıin Jambyl oblysynda 1,4 mlrd teńgeden astam qaryzǵa qatysty daý rettelgeni habarlanǵan.
Atyraýda sotta qaralǵan qylmystyq ister azaıyp, azamattyq ister kóbeıgen.
Qasym-Jomart Toqaev óńirlerde sot tóraǵalary men sýdıalardy taǵaıyndady.
