Jambyl oblysynyń shendileri 700 mln teńgeni negizsiz jumsamaq bolǵan
TARAZ. KAZINFORM – Jambyl oblysynyń prokýratýrasy 700 mln teńgeden astam bıýdjet qarajatynyń negizsiz jumsalýynyń aldyn aldy.
Aımaqtaǵy Qordaı aýdanynyń prokýratýrasy bıýdjet zańnamasy salasyna júrgizgen taldaý nátıjesi boıynsha aýdan ákimdigi qyzmetinde buzýshylyqtardy anyqtady.
«Jergilikti atqarýshy organ rastaıtyn qajetti qujattarsyz jáne negizdemesiz bıýdjettiń shyǵys bóligine 700 mln teńgeden astam qarajatty engizgen. Mysaly, ákimdik shyǵys baǵanasyna sý qubyry lıýkterin ornatýǵa 67 mln teńge qarajat qarastyrǵan. Alaıda, shyǵystyń osy baǵytynyń ekonomıkalyq negizdemesi aıqyndalmaǵan», — delingen prokýratýra málimetinde.
Nátıjesinde prokýrorlyq qadaǵalaý aktisimen 700 mln teńgeden astam bıýdjet qarajatynyń jumsalýy aldyn alyndy.
Zań buzýshylyqtarǵa jol bergeni úshin 6 laýazymdy tulǵa tártiptik jaýapkershilikke tartyldy.
