Jambyl oblysynyń prokýrorlary ınvestordyń quqyǵyn qorǵady
TARAZ. KAZINFORM – Jambyl oblysy Jýaly aýdanynyń prokýratýrasy Investorlardyń quqyqtaryn qorǵaý komıtetimen birlesip, «Koksai Resort» etno-týrıstik demalys aımaǵyn iske asyryp jatqan ınvestordyń quqyǵyn qalpyna keltirdi.
Anyqtalǵandaı, 2024 jyly ınvestor nysandy gazben qamtamasyz etý máselesi boıynsha jergilikti atqarýshy organǵa júgingen. Alaıda bul ótinish uzaq ýaqyt qaraýsyz qalǵan. Aýdandyq ákimdik qarjylandyrýdyń joqtyǵyn alǵa tartyp, ınfraqurylymdyq jobany birneshe ret keri qaıtarǵan.
Prokýrorlyq qadaǵalaý aktisiniń nátıjesinde ákimshilik kedergiler joıyldy. Investor Óńirlik úılestirý keńesiniń oń sheshimin aldy.
Sondaı-aq nysandy gazben qamtamasyz etý úshin qarajat bólýge qatysty bıýdjet ótinim Ulttyq ekonomıka mınıstrligine joldandy. Jiberilgen zań buzýshylyqtar úshin kináli laýazymdy tulǵa tártiptik jaýapkershilikke tartyldy.
Bas prokýratýra málimetinshe, qazirgi tańda ınvestordyń quqyqtary tolyq qalpyna keltirildi.
«Koksai Resort» jobasyn iske asyrý jańa jumys oryndaryn qurýǵa, salyq túsimderin arttyrýǵa jáne óńirdegi týrıstik klasterdiń damýyna eleýli serpin berýge múmkindik beredi.
Jambyl oblysynyń prokýratýrasy ákimshilik kedergilerge tap bolǵan ınvestorlardy 115 Call-ortalyǵyna habarlasýǵa shaqyrady.
Aıta keteıik, depýtat elimizdegi ınvestorlarǵa qolaıly qalany atady.
