Jambyl oblysynyń prokýrorlary alıment tólemeı júrgen ákelerden 300 mln teńge óndirdi
ASTANA. KAZINFORM – Jambyl oblysynyń jeke sot oryndaýshylary 2023 jyly alımentten jaltaryp júrgen 27 548 balanyń ákesinen 1 mlrd teńgeni quraıtyn qaryzdy qaıtaryp aldy. Ol úshin 19 589 atqarýshylyq qujat rásimdelgen. Bul týraly Jambyl oblysynyń prokýratýrasy málim etti.
Prokýrorlar 12 832 kámeletke tolmaǵan balany asyraýǵa jumsalatyn 300 mln teńgeden astam qaryzdyń ótelýine atsalysty.
Oblys prokýratýrasy ÁQBtK-niń 669-baby negizinde alıment boıynsha 76 boryshkerdi ákimshilik jaýapkershilikke tartty. Ondaǵy bereshek somasy 25 mıllıon teńgeden astqan.
Málim bolǵandaı, alıment boıynsha 17 mln teńge bereshegi bar 56 adam ákimshilik qamaýǵa alynsa, 8 mln teńge qaryzy bar 20 ákege ákimshilik aıyppul qoldanylǵan.
«Qylmystyq kodekstiń 139-babyna sáıkes 10 sotqa deıingi tergep-tekserý bastaldy. Úsh boryshkerge qatysty sot úkimi shyǵaryldy, 6 taraptyń tatýlasýyna jáne qaryzdy óteýine baılanysty toqtatyldy. Ekeýi boıynsha sotqa deıingi tergep-tekserý júrgizilip jatyr, al qalǵan ekeýi sotqa jiberildi» - delingen habarlamada.
Prokýratýranyń kómegimen 68 boryshker jumysqa ornalastyrylǵan.
