Jambyl oblysynyń medıtsına mekemelerinde aýrýlarǵa dıagnoz qoıýǵa JI kómektesetin bolady
TARAZ. KAZINFORM – Jambyl oblysynda densaýlyq saqtaý mekemeleriniń jumysyna jasandy ıntellektini ıntegratsııalaý jumystary qarqyndy júrip jatyr.
Mamandardyń aıtýynsha, jasandy ıntellekt qaterli isikter men júrek-qantamyrlary júıesiniń aqaýyn anyqtaýǵa kómektesetin bolady jáne ol flıýrografııa analızderi, rengtgen túsirilimderi, MRT (magnıtti-rezonansty tomografııa) men KT (kompıýterlik tomografııa) arqyly anyqtalady.
Jobany «Jambyl oblystyq densaýlyq saqtaý basqarmasy» memlekettik mekemesi «WDSOFT» JShS-men birlesip, júzege asyrady. Qazirgi tańda júıege 22 medıtsınalyq mekeme men 33 ǵımarat qosylǵan.
JI ajyratylýy qıyn potologııalardy anyqtaıdy. Jaqyn ýaqytta dıagnozdardyń 95% osy júıeniń kómegimen qoıylatyn bolady.
Zamanaýı tehnologııalardyń densaýlyq saqtaý júıesine qarqyndy engizilip jatqanyn Jambyl oblystyq tsıfrlandyrý jáne arhıv basqarmasynyń jetekshisi Shalqan Amanturov ta aıtty.
- Tarazdyń aýrýhanalary men emhanalaryna medıtsınalyq qyzmettiń kórsetilgenin anyqtaý jáne negizsiz jazbalardyń bolýynyń aldyn alý úshin Face ID tehnologııasy engizildi. Jambyl oblysynda atalǵan júıege 91 medıtsınalyq mekemege qosylǵan, - dedi ol.
Osyǵan deıin densaýlyq saqtaý protsesterin tsıfrlandyratyn aqparattyq júıe qurylǵandyǵy týraly jazdyq.