Jambyl oblysynyń ırrıgatsııa jáne drenaj júıelerin rekonstrýktsııalaý 91%-ǵa aıaqtaldy
ASTANA. KAZINFORM – Jambyl oblysynyń Shý aýdanynda ırrıgatsııa jáne drenaj júıelerin rekonstrýktsııalaý jobasy 91%-ǵa aıaqtaldy. Bul týraly Sý resýrstary jáne ırrıgatsııa mınıstrligi málim etti.
Jambyl oblysynyń Shý aýdanynda Oń jaǵalaýdaǵy magıstraldyq kanaldan egis alqaptaryna sý beretin ırrıgatsııa jáne drenaj júıelerin rekonstrýktsııalaý jobasy 91%-ǵa aıaqtaldy. Nysandy bıyldyń sońyna deıin paıdalanýǵa berý josparlanyp otyr. Joba Shý aýdanynyń 5 172 gektar egistik alqabyna sý jetkizýdi jaqsartýǵa múmkindik beredi. Buǵan deıin Jambyl oblysynda jalpy 10 myń gektar egistik jerdi sýmen qamtamasyz etetin eki nysan paıdalanýǵa berilgen bolatyn.
— Joba aıasynda sýarý kanaldarynyń qurylysy men jóndeý jumystary júrgiziledi. Bul óz kezeginde sý tasymaldaý kezindegi shyǵyndy azaıtyp, sýdy tıimdi paıdalanýǵa múmkindik beredi, — dedi Sý resýrstary jáne ırrıgatsııa vıtse-mınıstri Erbolat Ibraıhanov.
Eske sala keteıik, buǵan deıin qoǵamda sýdy utymdy paıdalaný mádenıetin qalyptastyrý maqsatynda Sý resýrstary jáne ırrıgatsııa mınıstrligi turmystyq jaǵdaıda sýdy únemdeýge arnalǵan ádistemelik usynystar ázirlegenin jazǵan edik.