Jambyl oblysynyń dıqandary buryn sý barmaǵan alqaptardan ónim jınap jatyr

ASTANA. KAZINFORM — «Qazsýshar» RMK Jambyl fılıalynyń «Qulan» óndiristik bólimshesiniń mamandary T.Rysqulov aýdany aýmaǵyndaǵy sýarý kanalynda mehanıkalyq tazalaý jáne jóndeý jumystaryn júrgizdi. Bul týraly Sý resýrstary jáne ırrıgatsııa mınıstrligi málim etti.

Osy sharalardyń nátıjesinde buǵan deıin sý barmaǵan egistik alqaptaryna sý jetkizýge múmkindik týdy. Búginde aýdanda 2000 gektardan astam egistik sýarylyp, jergilikti dıqandar shyqqan ónimge kóńilderi tolyp otyr. Olar atqarylǵan jumystar úshin «Qazsýshar» mamandaryna rızashylyǵyn bildirip jatyr.

– Bıyl bul jerlerge alǵash ret júgeri ektik. Buryn munda eshteńe egilmeıtin. Qazir júgeri jaqsy ósip tur, sý ýaqytyly jetkizilip jatyr. Bolashaqta egis kólemin arttyrýdy josparlap otyrmyz. Mınıstrlikke, «Qazsýsharǵa» jáne «Qulan» bólimshesine alǵys aıtamyn,– dedi jergilikti sharýa qojalyǵynyń ıesi Talǵat Qudaıbergenov.

Sonymen qatar «Qazsýshardyń» Jambyl fılıaly jergilikti atqarýshy organdarmen jáne dıqandarmen birlesip, ylǵaldy kóp qajet etetin daqyldardyń egis kólemin qysqartý jáne sharýashylyqaralyq kanaldardy tazalaý qajettiligi jóninde túsindirý jumystaryn júrgizdi.