Jambyl oblysynyń barlyq mektebi ishki dárethanamen qamtamasyz etilgen
TARAZ. KAZINFORM - Jambyl oblysynyń barlyq mektebi ishki dárethanamen qamtamasyz etilgen. Kóshede dárethanaldan mektepter jaqyn ýaqytta tolyqtaı bas tartady.

Jambyl oblysyndaǵy kóshe dárethanasynyń problemasy 2019 jyldyń qarasha aıynda kún tártibine qoıylǵan edi. Sol ýaqytta Taraz mektepteriniń birinde qaıǵyly oqıǵa tirkeldi. Er adam 12 jasar qyzǵa jynystyq zorlyq kórsetken edi. Qylmysker 25 jylǵa bas bostandyǵynan aıyryldy.
Jergilikti atqarýshy organdar aımaqtaǵy barlyq 449 mektepte mekteptiń ishki bóliginde ornalasqan dárethanamen qamtamasyz etý jóninde ýádesin bergen edi. Oǵan qosa kóshedegi dárethanalar uzaq ýaqyt boıy býllıng jasalatyn oryn retinde kópshilik nazaryna ilikken edi. Sondaı-aq olar buzaqylyqqa beıim oqýshylardyń tyıym salynǵan ártúrli ónimderdi jasyryn paıdalanatyn orny boldy.

2019 jyly aımaqtaǵy mektepterdiń 63%-y tek kóshe dárethanasyn paıdalanýyna týra keldi. 2020 jyly 285 mektepte ol ǵımarattyń ishki bóligine ornalasty. Bul Tarazda aıtarlyqtaı problema retinde baıqalǵan joq. Onda tek 5 mektepte salyndy. Aýdandarda ol kórsetkish kóbirek kórinis berdi. Atap aıtqanda, Baızaqta — 37, Jambylda — 28, T. Rysqulov pen Talasta — 29, Sarysýda — 21 mektepte paıdalanýǵa berildi. Sondaı-aq Shý aýdanynda 35 dárethana mekteptiń ishki bóligine ornalastyryldy.
— Búgingi kúni aımaqtaǵy 449 mektep jyly dárethanamen qamtamamyz etilgen. Onyń jartysynan kóp bóligi, naqty aıtqanda, 266 mektep kóshedegi eski dárethanany jaýyp tastady. Qazirgi ýaqytta 70 mektep qana ortalyq kanalızatsııa júıesine qosylsa, 379-y aýla septıgin paıdalanady. Septıkter men sý ydystarynyń kólemi oqýshylar kontıngentine sáıkes keledi, - dedi Jambyl oblystyq bilim basqarmasy basshysynyń orynbasary Kúnimjan Janǵojaeva.
Byltyr ýnıtaz, bachok, pıssýar, qoljýǵyş, aralastyrǵysh, sorǵy, sý qoımasyn satyp alýǵa jáne septıkterdi keńeıtýge ákimdik tarapynan 664,9 mıllıon teńge bólindi.
Jergilikti belsendilerdiń aıtýynsha, bolǵan tragedııa atalǵan jumystyń negizgi túıtkili retinde qarastyrylǵan. Degenmen kóshe dárethanasy sanıtarlyq jaǵdaıǵa baılanysty da bas tartýǵa negizgi sebep ekenin atap ótedi.
— Jyldyń jyly mezgilinde gıgıena saqtaý múldem múmkin emes. Qolqany qapqan ıisten demalý óte qıyn. Bul dárethanany qysqy ýaqytta paıdalaný qyz balalarǵa aýyr soǵady. Biz balalar úshin osyndaı jaǵdaı bolǵanyn qalaımyz ba? - dedi Jambyl oblystyq balalar quqyqtaryn qorǵaý jónindegi ýákili Dáýren Baǵjanov.
Budan buryn elimizde kóshedegi dárethanasy bar ondaǵan mektep bar ekeni habarlandy. Oǵan qosa 750 myńnan astam qazaqstandyq oqýshy býllıngke qarsy birikkeni belgili boldy.