Jambyl oblysynyń 24 aýylyna aýyz sý beriledi

ASTANA. KAZINFORM – Jambylda jyl sońyna deıin 24 aýyldyq eldi meken jáne Taraz, Shý, qalalarynyń 9 turǵyn alqaby aýyz sýmen qamtamasyz etiledi. Bul týraly ákimi Erbol Qarashókeev aıtyp berdi.

Bul jumystarǵa 13,9 mlrd teńge baǵyttalǵan, nátıjesinde sapaly aýyz sýmen qamtamasyz etý deńgeıin 100%-ǵa deıin jetkizý josparlanǵan.

Gazdandyrý aıasynda oblystyń 6 aýdanynda 20,5 mlrd teńgege 14 joba iske asyrylyp jatyr.

Sonymen birge, oblys qalalarynda jylý jelileriniń uzyndyǵy 350,7 shaqyrymǵa sozylǵan, olardyń tozý deńgeıi 54% jetken.

– Bıyl Taraz qalasynda M-1 negizgi jylý magıstralin jańǵyrtý jáne jańa móltekaýdanda jylý jelilerin keńeıtý jumystary aıaqtaldy. Qarataý qalasynda mazýt sharýashylyǵy jáne ortalyq qazandyqtar qaıta jańǵyrtylady. Nátıjesinde bıyl jylý jelileriniń tozý deńgeıi 53%-ǵa deıin tómendeıdi, – deıdi E. Qarashókeev.

Buǵan deıin ákim oblysta 6 jasar bala óliminen keıin bas dáriger jumysynan bosatylǵanyn aıtqan edi.

Sondaı-aq, jambyldyq sharýalar 890 myń tonna ónim eksporttaǵan.