Jambyl oblysyndaǵy joldaǵy aqaýlar úshin merdiger 1,9 mln teńge aıyppul tóleıdi

TARAZ. KAZINFORM — Respýblıkalyq mańyzy bar Merki – Shý – Býrylbaıtal avtojolyndaǵy aqaýlardy joımaǵany úshin kompanııaǵa 1,9 mıllıon teńge aıyppul salyndy.

Shý aýdandyq sotynyń baspasóz qyzmetiniń habarlaýynsha, respýblıkalyq mańyzy bar Merki — Shý — Býrylbaıtal avtojolyndaǵy aqaýlardy joımaǵany úshin kompanııaǵa 1,9 mıllıon teńge kóleminde aıyppul salyndy.

2024 jyldyń aqpan aıynda memlekettik avtoınspektsııa qyzmetkerleri joldan 22 kemshilik anyqtaǵan. Sáýir aıynda merdiger uıymǵa bul aqaýlardy 2025 jyldyń mamyryna deıin joıý jóninde nusqama berilgen. Alaıda kompanııa bul talapty oryndamaı, elemegen.

— Kompanııa ókilderi sotta nusqamanyń kesh berilgenin, jol belgilerin ornatý quny shamamen 30 mıllıon teńge ekenin jáne qosalqy merdiger uıymnyń qatysýy qajet ekenin alǵa tartyp, is júrgizýdi toqtatýdy surady, — delingen habarlamada.

Alaıda zańnamaǵa sáıkes, qarjynyń jetkiliksizdigi nemese qosalqy merdigerlerdi tartý uıymdy jaýapkershilikten bosatpaıdy. Sot kompanııany zańdy nusqamany oryndamaǵany úshin kináli dep tanyp, oǵan 500 aılyq eseptik kórsetkish (1,9 mıllıon teńge) kóleminde aıyppul saldy. Degenmen, kompanııanyń lıtsenzııasyn toqtatý nemese onyń keıbir qyzmet túrlerin shekteý sharalary qoldanylǵan joq.

Qaýly áli zańdy kúshine engen joq.

Aıta ketelik «Almaty elektr stantsııalary» 4,4 mlrd teńge aıyppul tóleıtini týraly jazǵan edik.