Jambyl oblysyndaǵy jolda kólikterdiń qozǵalysyna shekteý qoıyldy

ASTANA. KAZINFORM – Jambyl oblysyndaǵy jolda aýa raıyna baılanysty kólikterdiń barlyq túriniń qoǵalysyna shekteý qoıyldy, dep habarlaıdy «QazAvtoJol».

-2025 jylǵy 5 qarasha saǵat 21:00-de Jambyl oblysynda aýa raıynyń nasharlaýyna baılanysty «Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 159-238 shaqyrym aralyǵyndaǵy ýchaskesinde (Qordaı asýynyń jańa aınalma joly) barlyq kólik túrleriniń qozǵalysyna shekteý qoıylady,-delingen habarlamada.

Joldy aınalyp ótý eski Qordaı asýy arqyly júzege asyrylady. Joldy 2025 jylǵy 6 qarasha saǵat 09:00-de ashý josparlanǵan.

Aıta keteıik, «Qazgıdromet» osyǵan deıin elimizdiń 12 óńirinde aýa raıyna baılanysty eskertý jarııalady.