Jambyl oblysyndaǵy tótenshe jaǵdaıǵa baılanysty «Aqtóbe-Almaty-1» poıyzy qatynamaıtyn boldy

Jambyl oblysynda aýa raıynyń kúrt nasharlaýy jolaýshylar poıyzdarynyń qozǵalys kestesiniń buzylýyna sebep boldy, dep habarlaıdy Kazinform.   

«Osyǵan baılanysty Aqtóbe stantsııasynan júretin №34 Aqtóbe-Almaty-1 poıyzynyń júrisi 16 jeltoqsan kúni ýaqytsha 1 kúnge toqtatylady. Bul quram keste boıynsha 21 saǵatqa keshiktirilip jatyr», - dedi «Jolaýshylar tasymaly» AQ baspasóz qyzmetinen.

Qosymsha aqparatty «1433» tegin nómiri jáne «KTZH_PP_BOT» bot jedelhatynan alýǵa bolady.

Esterińizge sala keteıik, Jambyl oblysynyń Qordaı jáne Shý aýdandarynyń aýmaǵynda qatty jel men aıazdyń saldarynan 14 jeltoqsanda jergilikti aýqymdaǵy tabıǵı sıpattaǵy tótenshe jaǵdaı jarııalandy.