Jambyl oblysyndaǵy tas jolda 20 tonnalyq gaz tasymaldaıtyn kólik órtendi
Jambyldyq qutqarýshylar oblystyń Sarykemer aýyly mańyndaǵy tas jolda qaıǵyly oqıǵanyń aldyn aldy. Janar-jaǵarmaı quıý beketiniń janyndaǵy tas jol qıylysynda salmaǵy 20 tonnalyq gaz tasymaldaǵysh órtendi, dep habarlaıdy Kazinform.
Jambyl oblysy Tótenshe jaǵdaılar departamenti baspasóz qyzmetiniń habarlaýynsha, 31 qazan kúni kúndiz saǵat 16:22-de Jedel basqarý ortalyǵyna Sarykemer kentindegi janar-jaǵarmaı quıý beketiniń janynda 20 tonnalyq «KamAZ» gaz tasymaldaǵyshy órtengeni jaıly habar jetken.
Baızaq aýdanynyń ortalyǵy sanalatyn Sarykemer aýyly Taraz qalasynan 20 shaqyrym jerde ornalasqan.
«Oqıǵa ornyna dereý jeke quramnan 33 adam men 9 tehnıka jóneltildi. Qazir órtti sóndirý boıynsha barlyq qajetti jumys júrgizilip jatyr. Oqıǵa saldarynan zardap shekkender tirkelgen joq. Órttiń sebebi men shyǵyny anyqtalyp jatyr», - dedi vedomstvodan.
Posmotret etý pýblıkatsııý v Instagram
