Jambyl oblysyndaǵy qoqys polıgonyndaǵy órt tolyǵymen sóndirildi
ASTANA.KAZINFORM — Jambyl oblysy Qulan aýylynan 4 shaqyrym jerde qatty turmystyq qaldyqtar polıgonynda órt shyqty. Bul týraly TJM málim etti.
Órtti sóndirý jumystary ekpindi jel men qoıý tútinge baılanysty qıyndady. Órtti sóndirýge TJM, jergilikti atqarýshy organdar, «Aýyl qutqarýshylary» eriktileri, orman sharýashylyǵynyń mamandary, gaz qubyry salasynyń qyzmetkerleri jáne TJM TMQP medıtsınalyq qyzmetkerlerinen 70-ke jýyq adam men 26 birlik tehnıkasy jumyldyryldy.
— Qaıta tutanýdyń aldyn alý úshin qaldyqtar qabat ashylyp, sý sebilip, topyraqpen jabyldy. Jalpy nysanǵa 950 tekshe metr ınertti materıal jetkizildi. Júrgizilgen jumystardyń nátıjesinde órt tolyǵymen sóndirilip, onyń odan ári taralýyna jol berilmedi, — delingen habarlamada.
Zardap shekkender joq.
Aıta keteıik, 14 tamyzda Qazaqstanda bir kúnde 10 orman órti tirkeldi.
