Jambyl oblysyndaǵy balalardyń jappaı ýlaný isi tergelip jatyr

ASTANA. KAZINFORM — Rastalmaǵan málimetterge sáıkes, Merki aýdanynda ýlaný belgileri bar 20-dan astam bala aýrýhanaǵa jatqyzyldy, dep habarlaıdy Kazinform tilshisi.

Jambyl oblystyq sanıtarlyq-epıdemıologııalyq baqylaý departamenti oqıǵaǵa baılanysty oqıǵa ornyna dereý qyzmetkerler jiberilgenin habarlady. Qazir oqıǵanyń mán-jaıy jáne balalar densaýlyǵynyń nasharlaý sebepterin anyqtaý úshin birqatar qajetti shara qabyldanyp jatyr.

Departament tergeý júrgizilip jatqanyn naqtylady. Mamandar oqıǵa ornynda jumys istep, jaǵdaıdy obektıvti baǵalaý úshin qajetti materıaldardy jınap, taldaý júrgizedi. Tergeý nátıjesi boıynsha qorytyndy jasalady.

Qazirgi ýaqytta aýrýhanaǵa jatqyzylǵan balalardyń jaǵdaıy nemese olardyń boljamy týraly resmı aqparat jarııalanǵan joq. Departament oqıǵanyń aldyn ala sebebin qosa alǵanda, qosymsha aqparat bastapqy sharalar aıaqtalǵannan keıin jarııalanatynyn atap ótti.

Esterińizge sala keteıik, buǵan deıin Jambyl oblysynda 12 oqýshynyń ýlanýyna qatysty sot úkimi shyqqan bolatyn.