Jambyl oblysynda júrgizýshi óz kóliginiń astyna túsip, mert boldy

TARAZ. KAZINFORM – Jambyl oblysynda jol apaty saldarynan jeńil kólik júrgizýshisi qaza tapty. Er adam apat kezinde kabınadan ushyp ketip, keıin óz kóligi ústinen basyp ótken.

Oqıǵa 30 shilde kúni Qordaı aýdanyna qarasty Kenen aýylynyń mańynda tirkelgen. «GAZ-33023» pen jol jıeginde turǵan «KamAZ-5511» markaly júk kólikteri soqtyǵysqan. «Gazeldiń» júrgizýshisi oqıǵa ornynda kóz jumdy.

Kýágerlerdiń aıtýynsha, júrgizýshi eńis jolda uıyqtap ketip, turaqta turǵan júk kóligine soǵylǵan. Soqqy saldarynan aldyńǵy áınek arqyly syrtqa ushyp ketken ony óz kóligi basyp ótken.

Jambyl oblystyq polıtsııa departamentiniń málimetinshe, jol-kólik oqıǵasy boıynsha qylmystyq is qozǵaldy. Qazirgi ýaqytta tergeý amaldary júrgizilip jatyr.

Eske sala keteıik, buǵan deıin Qazaqstanda jarty jylda jol apatynan myńǵa tarta adam kóz jumǵany habarlanǵan bolatyn.