Jambyl oblysynda jumysshylarynyń zeınetaqy tólemderin aýdarmaı kelgen mekemeler anyqtaldy
TARAZ. KAZINFORM - Taraz qalasynyń prokýratýrasy 2515 azamattyń quqyqtarynyń buzylýyna sebep bolǵan eńbek jáne zeınetaqy zańnamasynyń talaptaryn saqtamaý faktilerin anyqtady.
Jambyl oblystyq prokýratýrasy bapsasóz qyzmetiniń habarlaýynsha, 2025 jyldyń tamyzy men jeltoqsan aılary aralyǵynda «Jasyl El Taraz» JShS-niń 650 qyzmetkerine jalpy somasy 20 mln teńgeden astam mindetti zeınetaqy jarnalary Biryńǵaı jınaqtaýshy zeınetaqy qoryna aýdarylmaǵan.
Qadaǵalaý aktisi boıynsha zańbuzýshylyqtar joıylyp, qyzmetkerlerdiń mindetti zeınetaqy jarnalary qorǵa aýdarylyp, olardyń konstıtýtsııalyq quqyqtary qorǵaldy.
Osy tektes kemshilikter Taraz qalasynyń bilim bólimine qarasty memlekettik mektepke deıingi uıymdarda eńbek etken 1895 qyzmetkerge qatysty boldy, qyzmetkerlerge
283 mln teńge kóleminde zeınetaqy jarnalary tólenbegen.
Prokýrorlyq qadaǵalaý aktisiniń negizinde jalpy somasy 300 mln teńge zeınetaqy jarnalary tolyq kólemde ótelip, qyzmetkerlerdiń quqyqtary qalpyna keltirildi.
-Kináli tulǵalar ákimshilik jaýapqa tartyldy. Azamattardyń konstıtýtsııalyq quqyqtaryn qorǵaý – prokýratýra organdarynyń basym baǵyttarynyń biri bolyp tabylady,-delingen habarlamada.
Osyǵan deıin Qazaqstanda zeınetaqy jınaqtaryn muragerlerge tóleý tártibi ózgergeni týraly jazdyq.