Jambyl oblysynda júk kóligi júrgizýshilerin bopsalaǵan top ustaldy
ASTANA. KAZINFORM — Іshki ister mınıstrligi uıymdasqan qylmysqa, bopsalaýǵa jáne azamattar men kásipkerlerge krımınaldyq qysym kórsetýdiń ózge de túrlerine qarsy is-qımyl boıynsha turaqty negizde keshendi sharalar qabyldap jatyr.
Qylmystyq toptardyń quramynda áreket etetin adamdardy, zańsyz áreketterdiń barlyq qatysýshylaryn anyqtaýǵa jáne olardyń qylmystyq shemalarynyń jolyn kesýge erekshe nazar aýdarylady.
23 qyrkúıekte Jambyl oblysynyń polıtseıleri Ulttyq qaýipsizdik komıteti departamentimen birlesip, atalǵan óńirdegi shekara beketi arqyly ótetin aýyr júk, jolaýshylar, jeńil jáne tranzıttik avtokólik júrgizýshilerinen júıeli túrde aqsha bopsalady dep kúdiktelgen qylmystyq toptyń áreketin toqtatty. 27 tintý is-sharasy júrgizildi. Sýyq qarý, baılanys quraldary, iri kólemdegi qarajat, sondaı-aq avtomashınalar tárkilendi.
Tergeý bir top adam jasaǵan bopsalaý faktisi boıynsha júrgizilip jatyr.
Qazirgi ýaqytta zańsyz áreketterdiń barlyq mán-jaılary, oǵan qatysýshylardyń árqaısysynyń róli, sondaı-aq yqtımal qosymsha epızodtar anyqtalyp jatyr. ІІM uıymdasqan qylmystyq toptar men azamattarǵa jáne bıznes ókilderine qysym kórsetetin adamdardyń áreketine tosqaýyl qoıý boıynsha júıeli jumysty jalǵastyrady.
