Jambyl oblysynda joldyń jabylǵan bóliginde birneshe kólik turyp qaldy

ASTANA. KAZINFORM - Jambyl oblysynyń Qordaı aýdanynda joldyń jabyq ýchaskesinde birneshe kólik qarda turyp qaldy, dep habarlaıdy QR Tótenshe jaǵdaılar mınıstrliginiń baspasóz qyzmeti.

- Qutqarýshylar vahtovka avtokóligimen 4 jeńil jáne 2 júk kóligin tazartylǵan jolǵa tartyp shyǵardy. Olar medıtsınalyq kómekke muqtaj bolǵan joq, -delingen habarlamada.

Osyǵan deıin kúniń buzylýyna baılanysty birneshe óńirde jol jabylǵanyn habarladyq.

«Qazgıdromet» kóktaıǵaq, tuman, jel bolatynyn eskertti.