Jambyl oblysynda jolaýshylar poıyzy avtobýspen soqtyǵysa jazdady

ASTANA. KAZINFORM – Jambyl oblysyndaǵy Taraz – Shý baǵytynda jolaýshylar poıyzy avtobýspen soqtyǵysa jazdady. Bul týraly «Qazaqstan temir joly» ulttyq kompanııasynyń baspasóz qyzmeti habarlady. 

Oqıǵa Qoraǵaty – Tatty aralyǵyndaǵy retteletin, biraq qaraýsyz qalǵan temir jol ótkelinde bolǵan. Aldyn ala málimet boıynsha, avtobýs júrgizýshisi poıyz jaqyndap qalǵanyna qaramastan, jolǵa shyǵyp ketken. Jolaýshylar poıyzynyń mashınısi der kezinde shuǵyl tejegishti qoldanyp, apattyń aldyn aldy. 

Baspasóz qyzmetiniń málimetinshe, avtobýs júrgizýshisi oqıǵa ornynan qashyp ketken. Qazirgi tańda bul derek quqyq qorǵaý organdaryna joldandy, tekseris júrgizilip jatyr.

Kompanııa temir jol ótkelderindegi qaýipsizdik talaptaryn qatań saqtaýǵa shaqyrady.

Aıta keteıik, Jetisý oblysy Mataı stansasyndaǵy temirjol ótkelinde jeńil kólik pen júk poıyzy soqtyǵysqanyn jazǵanbyz.