Jambyl oblysynda jol jabylyp, 2 myńnan astam kólik jolda tur
TARAZ. KAZINFORM – Aýa raıynyń kúrt nasharlaýyna (qalyń qar, boran, jolda kórinýdiń tómendeýi) baılanysty Jambyl oblysy aýmaǵyndaǵy respýblıkalyq jáne oblystyq mańyzy bar birqatar avtojolda kólik qozǵalysyna ýaqytsha shekteý engizildi.
Respýblıkalyq mańyzy bar «Almaty — Tashkent — Termez» avtojolynyń 238–476 km (Qaınar — Taraz) jáne 476–534 km (Taraz aınalma joly) ýchaskelerinde júk avtokólikteriniń qozǵalysy shekteldi.
Sonymen qatar atalǵan avtojoldyń 143–238 km jáne 534–593 km aralyqtarynda barlyq avtokólik túrleriniń qozǵalysyna shekteý qoıyldy.
Budan bólek, «Merki — Shý — Býrylbaıtal» avtojolynyń 156–268 km, «Asa — Qarabastaý» avtojolynyń 0–38 km jáne «Kúıik — Qarabastaý — Qarataý — Jańatas — Saýdakent» avtojolynyń 27–143 km ýchaskelerinde qozǵalys toqtatyldy.
12 aqpan saǵat 20:00–degi jaǵdaı boıynsha 2156 avtokólik (975 júk jáne 1181 jeńil) jolda tur.
Negizgi keptelis Almaty — Shymkent jáne Taraz — Almaty baǵyttarynda, sondaı-aq Kenen, Maqtaral jáne Qordaı mańynda baıqalýda.
Joldardy kútip-ustaý jumystaryna TJD-dan 16 qyzmetker men 8 tehnıka, polıtsııa departamentinen 60 qyzmetker men 24 tehnıka, sondaı-aq «QazAvtoJol» tarapynan 78 arnaıy tehnıka jumyldyryldy.
Aısha-Bıbi, Qordaı jáne Jýaly aýdandarynda barlyǵy 11 jylytý pýnkti jumys istep tur. Azamattardy qabyldaýǵa daıyn.
— Departament bazasynda qaýyrt jeli iske qosylyp, 101 qońyraý qabyldandy.
Azamattyq qorǵaý qyzmetterinen turatyn jedel shtab jumys istep jatyr. Jýaly jáne Sarysý aýdandaryndaǵy elektr energııasynyń ýaqytsha óshýleri tolyq qalpyna keltirildi.
Jaǵdaı oblystyq jedel shtabtyń baqylaýynda. Qosymsha aqparat alý úshin 112 nómirine habarlasýǵa bolady, — delingen Jambyl oblysynyń jedel shtaby habarlamasynda.
Aıta ketelik Jambyl oblysynda qutqarýshylar qar qursaýynda qalǵan 15 kólikti shyǵaryp alǵan edi.
