Jambyl oblysynda jylyna 70 myń tonna qus etin óńdeıtin zaýyt iske qosyldy
ASTANA. KAZINFORM – Aýyl sharýashylyǵy mınıstrligi málimetinshe, quny 19,8 mlrd teńge bolatyn joba «Alel Agro» AQ tarapynan júzege asyryldy.
Kásiporyn zamanaýı joǵary tehnologııalyq jabdyqtarmen qamtamasyz etilgen, barlyq óndiristik úderis halyqaralyq sapa jáne qaýipsizdik standarttaryna tolyq sáıkes keledi.
Zaýyt óndiristiń tolyq tsıkli boıynsha jumys isteıdi — jumyrtqany ınkýbatsııalaýdan jáne qusty ósirýden bastap, tereń óńdeý jáne daıyn ónimdi naryqqa jetkizýge deıin.
Búginde kásiporyn jylyna shamamen 10 myń tonna qus etin óndiredi. 2025 jyldyń sońyna deıin qýattylyǵy 4,6 myń tonna úshinshi broıler fabrıkasyn iske qosý, sondaı-aq jalpy qýattylyǵy 26 myń tonna bolatyn eki óndiristik alań salý josparlanyp otyr.
2028 jylǵa qaraı óndiristiń jyldyq kólemi 69 myń tonnaǵa jetedi.
Aıta keteıik, qazirgi ýaqytta Jambyl oblysynda úsh iri qus sharýashylyǵy kásiporny jumys isteıdi: ekeýi — qus etin óndirý boıynsha, bireýi — jumyrtqa óndirý boıynsha.
Halyqtyń qus etine suranysynyń 73 paıyzy otandyq óndiris esebinen qamtamasyz etilip otyr.
Bıylǵy on aıda óndirilgen qus etiniń kólemi 7,2 paıyzǵa artqan.