Jambyl oblysynda jyl saıyn 20-ǵa jýyq áıelge sút bezi qaterli isigi dıagnozy qoıylady
ASTANA. KAZINFORM — Áıelderge jyl saıyn óz emhanasynda tekserýden ótý usynylady. Osy kezeńde kúmán týǵyzatyn ózgerister anyqtalsa, patsıentti tıisti mamanǵa jiberedi.
Oblystyq kópbeıindi onkologııa jáne hırýrgııa ortalyǵynyń málimetinshe, jyl saıyn sút bezi qaterli isiginiń erte satydaǵy 15-20 jaǵdaıy anyqtalady.
Áıel emhanaǵa alǵash júgingen kezde tekserý kabınetine barýy kerek. Onda sút bezderi de tekseriledi. Eger akýsher qandaı da bir kúmándi ózgeristerdi baıqasa, patsıent mammologtyń nemese basqa beıindi dárigerdiń keńesine jiberiledi.
Óńirde mammologııalyq kómek 20 onkologııalyq kabınette kórsetiledi. Onyń 11-i aýdandarda, al toǵyzy Taraz qalasynda jumys isteıdi.
Oblystyq onkologııa ortalyǵynyń mamandary emhana dárigerlerine dıagnostıkalaý máseleleri boıynsha kómektesedi. Patsıenttiń ári qaraıǵy tekserýden qanshalyqty tez ótetini alǵashqy qaraýǵa baılanysty.
Eske salaıyq, buǵan deıin Batys Qazaqstanda 2 100-den astam áıel sút bezi obyrymen esepte turǵanyn habarlaǵan edik.
Sondaı-aq Almatyda áıelder sút bezin qalaı tegin tekserte alatynyn jazǵanbyz.