Jambyl oblysynda JI qaterli isikti erte anyqtaýǵa kómektesedi

ASTANA. KAZINFORM — Bıyl Jambyl oblysynda 4,1 mlrd teńgege 5 medıtsınalyq nysan salynyp jatyr, onyń úsheýi jyl sońyna deıin paıdalanýǵa beriledi. 

Oblys ákimi Erbol Qarashókeevtiń aıtýynsha, 11 qalalyq medıtsınalyq mekeme 1,5 mlrd teńgege kúrdeli jóndeý jumystarymen qamtyldy. Onyń 7-ýi paıdalanýǵa berildi.

6 mlrd teńgege MRT, KT, mammograf sekildi 32 medıtsınalyq jabdyq alynǵan. Bul erte dıagnostıkanyń, jedel járdem jumysynyń sapasyn men aýyldyq jerlerde medıtsınalyq qyzmet qoljetimdiligin arttyrýǵa múmkindik beredi.

— Nátıjesinde, densaýlyq saqtaý ınfraqurylymynyń tozý deńgeıi 42%-ǵa deıin tómendep, medıtsınalyq jabdyqpen jaraqtandyrý deńgeıi 92%-ǵa jetti. Óńirde TMD elderinde analogy joq jasandy ıntellektti paıdalanatyn biregeı joba iske asyryldy. Onda 22 medıtsınalyq mekeme biryńǵaı radıologııalyq aqparattyq júıege biriktirilgen. Bul dárigerlerge jáne sút bezi qaterli isigin erte satysynda anyqtaýǵa múmkindik beredi jáne 2264 adam tekserýden ótti, — dedi obyls ákimi Ortalyq kommýnıkatsııalar qyzmetinde.

Sonymen birge, jedel tserebraldi qan aınalymy buzylystaryn, ıshemııalyq ınsýlttiń dıagnostıkalaýǵa, zaqymdaný kólemin baǵalaýǵa dárigerlerge kómektesý úshin «Serebro» jasandy ıntellekt júıesin engizý josparlanyp otyr.

5252 medıtsına qyzmetkeri (562 dáriger, 4690 orta medıtsına qyzmetkeri) oqýdan jáne biliktiligin arttyrýdan ótti, onyń ishinde 12 dáriger sheteldik klınıkalarda taǵylymdamadan ótken.

Buǵan deıin ákim oblysta 6 jasar bala óliminen keıin bas dáriger jumysynan bosatylǵanyn aıtqan edi.

Jyl sońyna deıin 24 aýyldyq eldi meken jáne Taraz, Shý, qalalarynyń 9 turǵyn alqaby aýyz sýmen qamtamasyz etiledi.