Jambyl oblysynda jetim balalarǵa tólem, kıim-keshek jáne joldama berilmegen
ASTANA. KAZINFORM — Jambyl oblysy Baızaq aýdany prokýratýra jetim balalar men ata-anasynyń qamqorlyǵynsyz qalǵan balalardyń quqyqtary qalpyna keltirdi.
Baızaq aýdanynyń prokýratýrasy júrgizgen taldaý nátıjesinde «Baızaq № 3 kolledji» KMQK-de jetim balalar men ata-anasynyń qamqorlyǵynsyz qalǵan balalardyń quqyqtarynyń buzylǵany anyqtaldy.
Tekserý barysynda jetim balalar men ata-anasynyń qamqorlyǵynsyz qalǵan balalar sanatyndaǵy 7 stýdentke, sondaı-aq múgedektigi bar 1 stýdentke zańnamada kózdelgen áleýmettik kepildikterdiń berilýi qamtamasyz etilmegeni belgili boldy.
— Atap aıtqanda atalǵan stýdentterge kanıkýl kezeńinde demalýǵa arnalǵan joldamalar berilmegen, jol júrý shyǵyndary men táýliktik shyǵystary ótelmegen, kıim-keshekpen qamtamasyz etilmegen, sondaı-aq eki aılyq eseptik kórsetkish mólsherindegi birjolǵy áleýmettik kómek tólenbegen, — delingen habarlamada.
Anyqtalǵan zań buzýshylyqtar boıynsha kolledj basshylyǵynyń atyna prokýrorlyq qadaǵalaý aktisi engizildi. Ony qaraý nátıjesinde zań buzýshylyqtar joıylyp, stýdentterdiń quqyqtary tolyq kólemde qalpyna keltirildi.
Aıta ketelik elde jetim balalarmen jumys isteıtin mamandar qaıta daıarlanady.
