Jambyl oblysynda jer ýchaskelerine qatysty 49,6 mln teńge bereshek anyqtaldy
ASTANA. KAZINFORM – Tekserý barysynda aýyl sharýashylyǵy maqsatyndaǵy jerlerdi turǵyn úılerge, ǵımarattar men qurylystarǵa qyzmet kórsetý úshin arnalǵan jerler sanatyna aýystyrý kezinde ýákiletti organnyń Jer kodeksinde kózdelgen aýyl sharýashylyǵy óndirisi shyǵyndaryn óteý tólemderin esepteý men óndirip alýdy qamtamasyz etpegeni anyqtaldy.
Baızaq aýdanynyń prokýratýrasy Baızaq aýdany ákimdiginiń «Jer qatynastary bólimi» KMM qyzmetinde jer zańnamasy talaptarynyń saqtalýyna tekserý júrgizip, nátıjesinde aýyl sharýashylyǵy maqsatyndaǵy jer ýchaskeleriniń nysanaly maqsatyn ózgertý kezinde zań buzýdy anyqtady.
Atap aıtqanda Úlgili aýyldyq okrýgi ákiminiń sheshimimen aýdany 5,7 ga sýarmaly jer ýchaskesiniń nysanaly maqsaty ózgertilgen.
— Bul rette jer paıdalanýshyǵa 7,5 mln teńge mólsherinde aýyl sharýashylyǵy óndirisi shyǵyndaryn óteý mindeti júktelgenimen, zańda belgilengen merzimde kórsetilgen soma tólenbegen.
Tekserý barysynda osyǵan uqsas taǵy 5 derek anyqtalyp, olardyń nátıjesinde bıýdjetke jalpy somasy 49,6 mln teńge kólemindegi mindetti tólemder túspegeni anyqtaldy, — delingen prkýratýra habarlamasynda.
Prokýrorlyq qadaǵalaý aktisi negizinde 35 mln teńge óndirilip, kináli laýazymdy tulǵalar tártiptik jaýaptylyqqa tartyldy.
Qazirgi ýaqytta ýákiletti organ qalǵan bereshek somasyn óndirip alý boıynsha qajetti sharalardy qabyldanyp jatyr.
Aıta ketelik Mańǵystaýda prokýratýra 1,3 mlrd teńgelik jobanyń jalǵasýyna yqpal etken edi.
