Jambyl oblysynda jeńil kólik aýdarylyp, úsh adam zardap shekti
ASTANA. KAZINFORM — Tótenshe jaǵdaılar mınıstrligi qutqarýshylary jol apatynan zardap shekkenderge kómek kórsetti, dep habarlaıdy vedomstvonyń baspasóz qyzmeti.
Jambyl oblysynda Qordaı aýdanyna qarasty Otar aýylynyń mańynda (shamamen 1 shaqyrym jerde) jeńil kólik aýdarylyp, iri jol-kólik oqıǵasy boldy.
Oqıǵa ornyna jedel jetken TJD qyzmetkerleri birden qutqarý jumystaryna kiristi. Kólik ishinde ártúrli deńgeıde jaraqat alǵan úsh adam bolǵan. Ózdiginen qozǵala almaǵan zardap shekkenderdiń biri zembilge jatqyzylyp, jedel járdem kóligine jetkizildi.
— Qutqarýshylardyń jedel áreketiniń arqasynda apatqa ushyraǵan úsh adam da kólikten shyǵarylyp, ári qaraı aýrýhanaǵa jetkizý úshin medıtsına qyzmetkerlerine tapsyryldy, — delingen habarlamada.
Budan buryn Soltústik Qazaqstanda jantúrshigerlik jol apatynan kólik júrgizýshisi kóz jumǵany anyqtaldy.