Jambyl oblysynda jeke sot oryndaýshysy 3,9 mln teńgeni jymqyrdy
TARAZ KAZINFORM – Jambyl oblysynda jeke sot oryndaýshysynyń ókilettigin teris paıdalanǵany anyqtaldy.
Prokýrorlar jeke sot oryndaýshysynyń memleket pen bank uıymdaryna tıesili qarajatty jymqyrǵan faktilerin anyqtady. Naqtylaı aıtqanda, boryshkerlerden óndirilgen 3,9 mıllıon teńge jeke sot oryndaýshynyń jeke shotyna aýdarylyp, jeke qajettilikterge jumsalǵan.
Bul derek boıynsha QR Qylmystyq kodeksiniń 251-babynyń 2-bóligi (jeke sot oryndaýshysynyń ókilettigin qaıtalap teris paıdalanýy) boıynsha qylmystyq is qozǵaldy. 2026 jylǵy 20 naýryzda jeke sot oryndaýshyǵa qatysty is sotqa jiberildi.
2026 jyldyń birinshi toqsanynda prokýrorlyq tekserister nátıjesinde 168 adam túrli jaýapkershilikke tartylyp, onyń ishinde 81 jeke sot oryndaýshy jazalanǵan. Sonymen qatar alıment tóleýden jaltarǵan 6 adamǵa qatysty QR QK-niń 139-baby (balalardy asyraýǵa arnalǵan qarajatty tólemeý) boıynsha qylmystyq ister qozǵalǵan.
Prokýratýranyń qabyldaǵan sharalary nátıjesinde jalpy 220 mıllıon teńge kólemindegi bereshek óndirildi.
Prokýratýra azamattardyń quqyqtaryn qorǵaý baǵytyndaǵy jumysyn jalǵastyryp, atqarýshylyq is júrgizýge qatysýshylardy zań talaptaryn qatań saqtaýǵa shaqyrady.
Aıta ketsek, osyǵan deıin SQO ákimdigi basqarmasynyń eks-basshysyna sotqa deıingi tergeý bastalǵanyn jazǵanbyz.
