Jambyl oblysynda jasóspirimder arasyndaǵy janjaldan keıin oqýshy kóz jumdy
TARAZ. KAZINFORM — Jambyl oblysynyń Baızaq aýdanynda kámeletke tolmaǵan balanyń ólimine qatysty tergeý júrip jatyr. Oqıǵaǵa qatysy bar jasóspirim ustaldy.
Aldyn ala málimet boıynsha, oqıǵa 3 qazan kúni saǵat 22:00 shamasynda Baızaq aýylynda bolǵan. Kámeletke tolmaǵandar arasynda janjal týyndap, sońy tóbeleske ulasqan. Saldarynan 2011 jyly týǵan jasóspirim dene jaraqatyn alǵan. Keıin ol alǵan jaraqattarynan kóz jumǵan.
Atalǵan fakti boıynsha Qylmystyq kodekstiń 106-baby 3-bóligi («Densaýlyqqa qasaqana aýyr zııan keltirý, abaısyzda jábirlenýshiniń ólimine ákep soǵý») boıynsha qylmystyq is qozǵaldy.
— Kúdikti ustalyp, ýaqytsha ustaý ızolıatoryna qamaldy. Tergeý amaldary jalǵasyp jatyr. Іs departament basshylyǵynyń baqylaýynda, — dep habarlady polıtsııa.
Buǵan deıin Jambyl oblysynyń Qordaı aýdanynda kámeletke tolmaǵan oqýshynyń qaza bolýyna qatysty qylmystyq is qozǵalǵany týraly jazǵan edik.
