Jambyl oblysynda Jańa jyl qarsańynda joǵalǵan adam aman-esen tabyldy

ASTANA. KAZINFORM — Jambyl oblysynda izdestirý-qutqarý jumystary sátti aıaqtaldy. Keshe keshke Moıynqum aýdanynda joǵalyp ketken er adam tabyldy, dep habarlaıdy TJM baspasóz qyzmeti.

Tótenshe jaǵdaılar qyzmetiniń málimetinshe, 1964 jyly týǵan azamat 31 jeltoqsan kúni Moıynqum aýylyna qaraı jaıaý shyqqannan keıin habarsyz ketken.

Іzdestirý-qutqarý jumystary 11:00–de Moıynqum aýdanynda, Moıynqum aýylynan shamamen 90 shaqyrym qashyqtyqta ornalasqan sharýa qojalyǵy aýmaǵynda bastaldy.

Іzdestirý jumystaryna TJM bólimsheleri, Polıtsııa departamenti jáne jergilikti atqarýshy organdar jumyldyryldy. Operatsııaǵa jeke quram, arnaıy tehnıka, kınologııalyq eseptoptar jáne ushqyshsyz ushý apparattary tartyldy.

— Qyzmetterdiń úılesimdi ári jedel áreketteriniń nátıjesinde joǵalǵan azamat sharýa qojalyǵynan shamamen 50 shaqyrym qashyqtyqtaǵy dala aýmaǵynan tabyldy. Er adamnyń jaǵdaıy qanaǵattanarlyq, medıtsınalyq kómek qajet bolǵan joq, — delingen habarlamada.

Budan buryn Jambylda atpen temeki kontrabandasyn ótkizbek bolǵan sheteldik azamat ustalǵanyn jazǵan edik.