Jambyl oblysynda jańa oqý jylynda 115 myńǵa jýyq mektep oqýshysy ystyq tamaqpen qamtylady

TARAZ. KAZINFORM – Jambyl oblysynyń ákimi Erbol Qarashókeev jańa oqý jylynan bastap mektep ashanalaryna qoǵamdyq baqylaýdy kúsheıtýdi tapsyrdy. Bul týraly ol bilim qyzmetkerleriniń tamyz keńesinde aıtty.

Jańa oqý jylynda 1-4 synyptaǵy 71 230 bala, sondaı-aq jekelegen sanattaǵy 43 198 oqýshy ystyq tamaqpen qamtylady.

— Deni saý urpaq — sapaly ulttyń negizi. Mektep oqýshylarynyń qunarly tamaqpen qamtylýyna erekshe den qoıý qajet, — dedi oblys ákimi.

Bıyl kópbalaly, az qamtylǵan otbasy balalaryn ystyq tamaq, kıim-keshek, jazǵy saýyqtyrýmen qamtamasyz etýge 5,6 mıllıard teńge bólindi. Kıim-keshekke bólingen qarjy ata-analardyń jeke shottaryna aýdaryldy.

Óńirde «Meıirim jobasy» aıasynda nátıjeli jumystar jalǵasýda. Ata-anasynyń qamqorlyǵynsyz qalǵan 137 balaǵa 96 mekeme áleýmettik qoldaý kórsetýde. 1 256 balanyń Otbasy banktegi shotyna bekitilgen memlekettik organdar men iri kásiporyndar 71 mıllıon teńge qarjy aýdardy.

Budan bólek, jalpy respýblıkalyq «Mektepke jol» aktsııasy ótip jaty.