Jambyl oblysynda JShS basshylary jalǵan málimetter arqyly 209 mln teńge sýbsıdııa alǵan
TARAZ. KAZINFORM - Jambyl oblysynyń prokýratýrasy agroónerkásiptik keshendi damytýǵa bólingen bıýdjet qarajattaryn jymqyrýdy anyqtady, dep habarlaıdy oblystyq prokýratýranyń baspasóz qyzmeti.
«Merki» tájirıbelik sharýashylyq» JShS kvazımemlekettik mekemesiniń burynǵy basqarma tóraǵasy jáne onyń orynbasary resmı qujattarǵa kórineý jalǵan málimetter engizý arqyly naqty satylmaǵan alma kóshetteri úshin 209,9 mln teńge sýbsıdııa alǵan.
Atalǵan fakt boıynsha Merki aýdanynyń prokýratýrasy QK-tiń 190-baby, 4-bóligi, 2-tarmaqshasymen (alaıaqtyq) qylmystyq is tirkep, ony tergep-tekserý oblys prokýratýrasymen júrgizilýde.
Sotpen bir kúdiktige qatysty kúzetpen ustaý bultartpaý sharasyn qoldanýǵa sanktsııa berilse, ekinshisine qatysty úı qamaq bultartpaý sharasy qoldanyldy.
«Sotqa deıingi tergep-tekserý jalǵasýda, QPK-tiń 201-babyna sáıkes tergeý múddesi úshin ózge aqparattar jarııalaýǵa jatpaıdy»,-delingen habarlamada.
