Jambyl oblysynda jalǵan bankrottyq rásimdegen kásipker aıyppul arqalady
TARAZ. KAZINFORM – Jambyl oblysynyń prokýratýrasy aýdandyq sottardyń sheshimderin zerdeleý barysynda jalǵan bankrottyqqa ádeıi jetkizýge baılanysty ákimshilik quqyq buzýshylyq týraly isti toqtatý faktisin anyqtady.
Atap aıtqanda, Shý aýdandyq sotynyń 2024 jylǵy 15 naýryzdaǵy qaýlysymen ÁQBtK-niń 182-babynyń 1-bóligi boıynsha azamat H-ǵa qatysty ákimshilik quqyq buzýshylyq týraly is quqyq buzýshylyq quramynyń bolmaýyna baılanysty toqtatylǵan.
Alaıda is materıaldaryn zerdeleý kórsetkendeı, quqyqbuzýshy 11 mln teńge salyq tóleýden jaltarý jáne kiristerdi jasyrý maqsatynda ózine tıesili JShS-ni ádeıi bankrottyqqa deıin jetkizip, ony satyp jibergen.
«Engizilgen prokýrorlyq den qoıý aktisiniń negizinde 2024 jylǵy 5 qyrkúıekte Jambyl oblystyq soty birinshi satydaǵy sottyń sheshiminiń kúshin joıyp, oǵan ÁQBtK-niń 182-babynyń 1-bóligi boıynsha 738 400 teńge somasynda ákimshilik aıyppul túrinde jaza taǵaıyndaýmen kináli dep tanyldy», — dep jazdy baqylaýshy organnan.
Qazirgi ýaqytta salyq bereshegin óndirip alý boıynsha sharalar qabyldanýda.
