Jambyl oblysynda zeınetaqynyń ortasha mólsheri 93 myń teńgeden asty
ASTANA. KAZINFORM — Jambyl oblysynda 146 799 turǵyn jasyna baılanysty zeınetaqy alady. Jyl basynan beri 4 949 azamatqa alǵash ret zeınetaqy taǵaıyndalyp, onyń ortasha mólsheri 93 557 teńgege jetti, dep habarlady Kazinform agenttiginiń tilshisi.
Oblysta respýblıkalyq bıýdjetten áleýmettik qoldaýdyń túrli túrin shamamen 448 myń turǵyn alady. Jyldyń alǵashqy alty aıynda aýdandyq bólimderde 67 685 zeınetaqy jáne áleýmettik is qaralǵan.
Onyń ishinde 36 263 jaǵdaıda jańa tólem taǵaıyndalsa, 29 693 is boıynsha buǵan deıin qabyldanǵan sheshimder qaıta qaralǵan. Jambyl oblysy boıynsha Eńbek jáne halyqty áleýmettik qorǵaý komıteti departamentiniń málimetinshe, qaıta qaralǵan isterdiń nátıjesinde sheshimder tólem alýshylardyń paıdasyna qabyldanǵan.
Alaıda vedomstvo isterdi qaıta qaraýǵa qandaı negiz bolǵanyn jáne sonyń nátıjesinde turǵyndarǵa qansha qarajat tólenetinin naqtylamady.
Eske sala keteıik, jaqynda Qazaqstanda zeınetaqy jınaqtaryn basqarýdyń jańa tártibi túsindirilgen bolatyn.
Budan bylaı jasandy ıntellekt eńbek kitapshalaryn oqyp, zeınetaqy taǵaıyndaýǵa qatysady.
