Jambyl oblysynda zerthana akkredıtteý aıasynan tys synaq júrgizgeni úshin aıyppul arqalady
ASTANA. KAZINFORM — Jambyl oblysynda akkredıttelgen synaq zerthanasyna júrgizilgen tekserý kezinde zań buzýshylyqtar anyqtaldy.
Qazaqstan Respýblıkasy Saýda jáne ıntegratsııa mınıstrligi Tehnıkalyq retteý jáne metrologııa komıtetiniń Jambyl oblysy boıynsha departamenti akkredıtteý jáne sáıkestikti baǵalaý salasyndaǵy memlekettik baqylaý aıasynda zerthanaǵa jospardan tys tekserý júrgizgen.
Tekserý barysynda zerthananyń akkredıtteý salasyna kirmeıtin obektiler men synaq ádisteri boıynsha jumystar júrgizip, olardyń nátıjelerin rásimdegeni anyqtaldy. Bul akkredıtteý jáne tehnıkalyq retteý salasyndaǵy zańnama talaptaryna qaıshy.
— Ákimshilik quqyq buzýshylyq týraly isti qaraý nátıjeleri boıynsha departamenttiń qaýlysymen zańdy tulǵaǵa jalpy somasy 930 aılyq eseptik kórsetkishke, ıaǵnı 4 022 250 teńge mólsherinde ákimshilik aıyppul salynyp, qosymsha ákimshilik jaza retinde akkredıtteý attestatynyń qoldanylýy 6 aı merzimge toqtatyldy, — dedi QR Saýda jáne ıntegratsııa mınıstrligi Tehnıkalyq retteý jáne metrologııa komıteti tóraǵasynyń orynbasary Baýyrjan Qasymov.
Saýda jáne ıntegratsııa mınıstrliginiń málimetinshe, qabyldanǵan sharalar akkredıtteý salasynan tys synaq júrgizýge jol bermeýge, nátıjelerdiń durystyǵyn qamtamasyz etýge jáne tutynýshylar men naryq qatysýshylarynyń múddesin qorǵaýǵa baǵyttalǵan.
Eske salaıyq, buǵan deıin elimizde bilim berý uıymdary aldyn ala eskertýsiz tekseriletinin habarlaǵanbyz.
