Jambyl oblysynda vagon beremiz dep 22 mln teńge alǵan kúdiktiler ustaldy
ASTANA. KAZINFORM — Jambyl oblysynda logıstıkalyq kompanııa qyzmetkerleri retinde tanysyp, temirjol vagondaryn usyný arqyly jábirlenýshiniń senimine kirgen eki kúdikti ustaldy.
Jambyl oblysy polıtsııa departamenti kıberqylmysqa qarsy is-qımyl basqarmasy men tergeý bólimshesiniń qyzmetkerleri júrgizgen jedel-izdestirý sharalary barysynda kúdiktiler Almaty aýmaǵynan qolǵa túsken.
Tergeý málimetinshe, olar logıstıkalyq kompanııa qyzmetkerleri retinde tanysyp, temirjol vagondaryn usyný syltaýymen jábirlenýshiniń senimine kirgen. Osylaısha jalpy somasy 22 mln teńgege jýyq qarjyny ıemdengen.
— Atalǵan derek boıynsha sotqa deıingi tergep-tekserý bastaldy. Kúdiktiler sot sanktsııasymen qamaýǵa alyndy, — delingen habarlamada.
Qazirgi ýaqytta qylmystyq is boıynsha tergeý amaldary jalǵasyp jatyr.
Eske salaıyq, munyń aldynda memlekettik sýbsıdııalardy jymqyrǵan kúdikti Grýzııadan ekstradıtsııalanǵanyn jazǵanbyz.
