Jambyl oblysynda úsh kúnde 280-ge jýyq jasóspirim polıtsııaǵa jetkizildi
TARAZ. KAZINFORM – Jambyl oblysynda «Túngi qaladaǵy balalar» atty jedel-aldyn alý is-sharasy ótti. Bul týraly Jergilikti polıtsııa qyzmeti basqarmasy ıývenaldyq polıtsııa tobynyń ınspektory, polıtsııa maıory Azat Pirmatov málimdedi.
Úsh kúnge sozylǵan shara barysynda keshki jáne túngi ýaqytta zańdy ókilderinsiz júrgen 279 kámeletke tolmaǵan jasóspirim anyqtalyp, bólimshege jetkizildi. Ómirlik qıyn jaǵdaıǵa tap bolǵan 7 bala qoldaý ortalyǵyna ornalastyryldy.
Polıtsııa tarapynan 21 jasóspirim men 7 ata-ana profılaktıkalyq esepke qoıylǵan. Sonymen qatar, esepte turǵan 195 kámeletke tolmaǵannyń turǵylyqty jeri tekserildi.
- Shara aıasynda 317 ákimshilik quqyqbuzýshylyq anyqtaldy. Onyń ishinde:
ÁQBtK 442-baby boıynsha (túngi ýaqytta balalardyń zańdy ókilinsiz júrýi) – 279 derek
127-bap boıynsha (ata-ananyń tárbıeleý mindetin oryndamaýy) – 25 derek
132-bap boıynsha (oıyn-saýyq mekemelerinde kámeletke tolmaǵannyń bolýy) – 11 derek
435-bap boıynsha (jasóspirim jasaǵan buzaqylyq) – 2 derek, - dedi spıker.
Polıtsııa departamenti ókili jasóspirimder arasyndaǵy quqyqbuzýshylyqtyń aldyn alý jáne olardy qorǵaý jumysyn turaqty negizde jalǵastyratynyn atap ótti.
Aıta keteıik, Jambyldyń 32 aýylynda kásipkerler ishimdik satýdan tolyqtaı bas tartqan.
