Jambyl oblysynda úsh er adam 11,5 mln teńgeniń malyn urlaǵan
TARAZ. KAZINFORM — Sarysý aýdanynda prokýratýra men polıtsııanyń birlesken sharalary nátıjesinde júrgizilgen jedel-izdestirý is-sharalarynyń qorytyndysymen mal urlyǵyna qatysy bar úsh tulǵadan turatyn top anyqtaldy.
Anyqtalǵandaı, atalǵan tulǵalar 2025 jylǵy 10 qazannan 2026 jylǵy 7 naýryzǵa deıingi kezeńde túngi ýaqytta jaıylymdardan aıdap áketý arqyly jalpy somasy 11,5 mln teńge bolatyn 23 maldy urlaǵan.
Qazirgi ýaqytta jábirlenýshilerge keltirilgen zalal tolyq óteldi.
QR QK-niń 188-1-baby 3-bóliginiń 1)-tarmaǵy boıynsha tirkelgen qylmystyq is aıyptaý aktisimen máni boıynsha qaraý úshin sotqa joldandy.
Sonymen qatar 3 maldy urlaǵan basqa tulǵaǵa qatysty sot aıyptaý úkimin shyǵardy. Jasalǵan qylmystyń sıpaty men qoǵamdyq qaýiptilik dárejesin eskere otyryp, oǵan naqty bas bostandyǵynan aıyrý túrindegi jaza taǵaıyndaldy.
Jalpy, bıyl aýdan aýmaǵynda mal urlyǵyna baılanysty 9 qylmys tirkelip, onyń 7-eýi ashyldy, bul 77,7%.
Bótenniń malyn urlaǵany úshin Qylmystyq kodeksiniń 188-1-babyna sáıkes qylmystyq jaýaptylyq kózdelgen, múlikti tárkileı otyryp, 12 jylǵa deıin bas bostandyǵynan aıyrý jazasy taǵaıyndalýy múmkin.
Aıta ketelik Abaı oblysynda mal urlaǵan 11 adam sottalǵan edi.
