Jambyl oblysynda úsh balanyń ákesi ýchaskelik polıtseıge qol jumsady

TARAZ. KAZINFORM – Jambyl oblysynda polıtseı er adamdy sabyrǵa shaqyrmaq bolǵan. Alaıda ol eskertýge ashýlanyp, tártip saqshysynyń betinen uryp jibergen, dep habarlaıdy Kazinform agenttigi.

Oqıǵa Merki aýdanyndaǵy «Kók-kól» demalys aımaǵynda bolǵan. Er adam eki tanysymen birge spırttik ishimdik iship otyrǵan kezde olardyń arasynda janjal týyndap, tóbeleske ulasqan. Buzaqylardy tynyshtandyrý úshin oqıǵa ornyna ýchaskelik ınspektor kelgen. Alaıda er adamdardyń biri onyń eskertýine qulaq aspaı, ashý ústinde polıtseıdi betinen urǵan. Saldarynan tártip saqshysy jeńil dene jaraqatyn alǵan.

Keıin is sotqa jetti. Merki aýdandyq soty er adamdy Qylmystyq kodekstiń 380-babynyń 3-bóligi boıynsha – bılik ókiline kúsh qoldaný deregimen kináli dep tanydy.

Sot protsesi barysynda aıyptalýshy kinásin tolyq moıyndap, erkindiginen aıyrmaýdy suraǵan. Sot onyń kinásin moıyndaýyn, jaǵymdy minezdemesin jáne úsh kámeletke tolmaǵan balasynyń bar ekenin jeńildetetin mán-jaı retinde eskerdi. Sonymen qatar qylmystyń mas kúıinde jasalǵany jazany aýyrlatatyn jaǵdaı retinde tanyldy.

Sot úkimimen er adamǵa úsh jyl merzimge bostandyǵyn shekteý jazasy taǵaıyndaldy.

Eske sala ketsek, Jambyl oblysynda nashaqorǵa úkim shyǵarylyp, sot ony 6 jyl bas bostandyǵynan aıyrdy.