Jambyl oblysynda úsh bala gazdan ýlanyp kóz jumdy
TARAZ. KAZINFORM – Qazirgi ýaqytta arnaıy jumys toby qurylyp, otbasyna psıhologııalyq jáne áleýmettik qoldaý kórsetilip jatyr. Bul týraly Jambyl oblysy Merki aýdany ákimdiginiń baspasóz qyzmeti habarlady.
— 19 sáýirde Merki aýdandyq aýrýhanasyna kómirqyshqyl gazyna ýlanǵan úsh jasóspirim (2017 jylǵy, 2019 jylǵy jáne 2021 jylǵy) jetkizildi. Ókinishke qaraı balalar es-tússiz, esin jımaǵan kúıde kóz jumdy, — delingen Merki aýdany ákimdigi habarlamasynda. ⠀
Aldyn ala tergeý málimetinshe, úıge oralǵan anasy gaz ıisin baıqap, qyzdaryn aýrýhanaǵa jetkizýge árekettengen.
⠀
19 sáýir kúni atalǵan fakti «Adam ólý» deregi boıynsha sotqa deıingi tergep-tekserý bastaldy.
Ákimdik málimetinshe marqum balalardyń otbasyna buǵan deıin áleýmettik kómek turaqty kórsetilgen. Anasy 2025 jylǵy qańtardan bastap turaqty jumys istegen.
⠀
Qazirgi ýaqytta arnaıy jumys toby qurylyp, otbasyna psıhologııalyq jáne áleýmettik qoldaý kórsetilip jatyr.
— 20 sáýir kúni aýdan ákimdiginiń qoldaýymen Oıtal aýyldyq okrýginde jerleý rásimi ótti. Qazirgi ýaqytta jaǵdaı baqylaýda, — delingen habarlamada.
Aıta ketelik Pavlodar-Astana jolynda balalar mingen avtobýs aýdarylyp, jattyqtyrýshy kóz jumǵan edi.