Jambyl oblysynda turǵyndar 90 jylda alǵash ret sapaly aýyz sýdy ortalyqtandyrylǵan júıemen alady

ASTANA. KAZINFORM – Jambyl oblysy Talas aýdanyna qarasty Qaraoı aýylynda prokýratýra organdary qaıtarǵan aktıvterdiń esebinen júzege asyrylǵan aýyzsý salasyndaǵy áleýmettik nysannyń qurylysy aıaqtaldy.

Saltanatty ashylý rásimine oblys prokýrory Berik Ábilov, aýdan ákimi, qoǵamdyq ókilder, aýyl aqsaqaldary men qurmetti turǵyndar qatysty.

Aıta keteıik, aýyl turǵyndary 90 jyl ishinde alǵash ret sapaly aýyz sýdy ortalyqtandyrylǵan júıe arqyly alatyn bolady.

Osy jyldyń qarasha aıynan bastap nysan paıdalanýǵa berildi. Bl aýyl turǵyndarynyń ómir súrý jaǵdaıyn jaqsartýǵa jáne olardyń mańyzdy áleýmettik máseleleriniń birin sheshýge baǵyttalǵan mańyzdy qadam boldy.

Jambyl oblysynyń prokýratýrasy málimetinshe, aýyl turǵyndary memlekettik organdarǵa jáne jobany júzege asyrýǵa atsalysqan tulǵalarǵa alǵys bildirip, atqarylǵan jumystyń aýyldyń turaqty damýy úshin mańyzdylyǵyn atap ótti.

Búgingi kúni Úkimet densaýlyq saqtaý, bilim berý, sport jáne sýmen jabdyqtaý salalarynda 420-dan astam áleýmettik mańyzy bar jobany qarjylandyrýdy maquldaǵanyn atap ótken jón.

Aıta keteıik, Jetisý oblysynda qaıtarylǵan aktıvter esebinen salynǵan segiz jańa medıtsınalyq nysan ashyldy.