Shý aýrýhanasyna júkti bolyp túsken kelinshektiń denesin jubaıy jertóleden tapqany ras pa

ShÝ. KAZINFORM — Shý kópsalaly aýdandyq ortalyq aýrýhanasynda ana ólimine baılanysty tergeý sharalary júrgizilip jatyr.

Жамбыл облысында туыстары келіншектің денесін аурухана жертөлесінен тапты
Фото: Шымкент қаласының ішкі саясат және жастар істері жөніндегі басқармасы

Tergeý sharalaryna marqumnyń týystary men jergilikti turǵyndardyń dabyly túrtki bolǵan. Olardyń áleýmettik jelilerde málimdeýinshe, 5 naýryz kúni áıel aýyryp, júktiliktiń 34-shi aptasynda Shý qalalyq kópsalaly aýrýhanasyna jatqyzylǵan. 9 naýryz kúni keshke onyń jaǵdaıy kúrt nasharlap, komaǵa túsedi. Al 10 naýryzda dárigerler ota arqyly qursaqta ólip qalǵan balany alyp tastaıdy. Sol kezden bastap kelinshek jansaqtaý bóliminde bolady. Al áıelin aýrýhanadan izdegen kúıeýi onyń isinip, ıistene bastaǵan denesin aýrýhananyń tehnıkalyq bólmeleriniń birinen tapqany aıtylady. 

Shý qalalyq kópsalaly aýrýhanasy bergen málimet boıynsha «naýqas 22 naýryz kúni sátsiz reanımatsııadan keıin jedel júrek-qan tamyrlary jetkiliksizdigine baılanysty qaıtys bolǵan».

— Shý kópsalaly aýdandyq ortalyq aýrýhanasynda ana ólimine baılanysty tergeý sharalary júrgizilip jatyr. Jambyl oblysy ákimdiginiń densaýlyq saqtaý basqarmasynda osy fakti boıynsha jumys toby quryldy. Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń Jambyl oblysy boıynsha departamenti osyǵan oraı tekserý júrgizedi. Tekserý nátıjeleri men saraptama qorytyndysy keıin jarııalanady, — dep jaýap berdi densaýlyq saqtaý basqarmasynda.

Jambyl oblystyq polıtsııa departamenti Qylmystyq kodekstiń 317-baby 2 jáne 3-bólikteri boıynsha (medıtsına qyzmetkeriniń kásibı mindetterin tıisinshe oryndamaýynan, abaısyzda adamnyń densaýlyǵyna aýyr zııan keltirý jáne ólimine ákep soqtyrý) sotqa deıingi tergeý júrgizip jatyr.

Qajetti saraptama jasaý úshin máıit Tarazǵa jiberildi.

Buǵan deıin Qyzylordada áıelin uryp-soqqan ІІІ top múgedegine qatysty tergeý bastalǵanyn jazǵan edik. 

Сейчас читают