Jambyl oblysynda tótenshe jaǵdaıǵa baılanysty 5 poıyz toqtap tur

Jambyl oblysyndaǵy tótenshe jaǵdaıǵa baılanysty bes poıyzdyń qyzmeti toqtatyldy, dep habarlaıdy Kazinform.

«Jolaýshylar tasymaly» AQ 15 jeltoqsandaǵy Jambyl oblysynyń Qordaı jáne Shý aýdandaryndaǵy tótenshe jaǵdaı 5 jolaýshylar poıyzynyń toqtaýyna sebep bolǵanyn málimdedi. Atap aıtar bolsaq: 

– 15 jeltoqsan kúni Nur-Sultan-1 stantsııasynan jóneletin №10 Nur-Sultan 1-Almaty 2 poıyzynyń ýaqyty 1 kúnge keıin shegindirildi;

– 15 jeltoqsan kúni Almaty-2 stantsııasynan jóneletin №9 Almaty 2-Nur-Sultan 1 poıyzy 1 kúnnen keıin júredi;

– 16 jeltoqsanda Atyraý stantsııasynan jáne 18 jeltoqsanda keri baǵytta Almaty stantsııasynan jóneletin №29/30 Atyraý-Almaty 1 poıyzy 1 kúnge keıin shegindirildi; 

– 15 jeltoqsanda Almaty-2 stantsııasynan jáne keri baǵytta 16 jeltoqsan Nur-Sultan Nurly jol stantsııasynan júretin №3 Almaty 2-Nur-Sultan Nurly jol poıyzy 1 kúnge keıin shegindirildi; 

– 15 jeltoqsan Almaty 2 jáne keri baǵytta Jezqazǵan qalasynan 16 jeltoqsan júretin №505/506 Almaty 2-Jezqazǵan poıyzynyń ýaqyty 1 kúnge keıin shegindirildi. 

Bul poıyzdar qozǵalys kestesinen uzaq ýaqyt artta qalady. Joǵaryda kórsetilgen baǵyttarǵa bılet satyp alǵan jolaýshylarǵa TJ bıletteri úshin aqshalaı qarajat qaıtarylady. 

Ýchaske boıynsha poıyzdar qozǵalysynyń belgilengen kestesin qalpyna keltirý jumystary kezeń-kezeńmen júrgizilip jatyr. 

Ulttyq tasymaldaýshy týyndaǵan jaǵdaıǵa túsinistikpen qaraýdy jáne qolaısyzdyqtar úshin keshirim suraıdy. 

Qosymsha aqparat alý úshin jolaýshylar «1433» (tegin) nómirine jáne «KTZH_PP_BOT» bot telegram paraqshasyna júgine alady.